Discurso del Presidente de AMIGOS de As Pontes, D. Jose Luis Corral Rey en el Homenaje como Pontés do Ano a D. Salustiano Ameneiro Vázquez. 1 de abril de 2005.

Boas noites, señoras e señores,

Esta noite celebramos unha cea de confraternidade e rendemos una merecida homenaxe a Don Salustiano Ameneiro Vázquez, un estimado veciño das Pontes, unha persoa cunha intensa vida chea de avatares e de vivencias, case sempre, vinculadas coa xente, coas tradicións do seu pobo e coa terra. O señor Salustiano de Ameneiro foi toda a súa vida agricultor e gandeiro. Cremos que vive ó compás que marcan ano tras ano o clima, as estacións, o sol, e a choiva.

Pensamos que, nestes tempos de modernidade, xa debe ser un dos poucos que quedan, capaces de entende-las tèmporas. Contando con estos elementos, contando co seu traballo e a sua experiencia, os alimentos que produce han ser, sen dúbeda, de primeira calidade . Asemade, ten a honra de dirixir, ano tras ano, a tradicional poxa das ofrendas a San Vicente de Pontoibo. A persoa á que hoxe lle facemos esta homenaxe ten unha memoria prodixiosa. Ten moito arte para contarnos as súas vivencias. Nos agasalla e anima coas suas cántigas, poesias, refráns e infinitas historias das Pontes. Don Salustiano Ameneiro Vázquez é parte destacada da historia das Pontes.

É a memoria viva das tradicións dun pobo. Por todo elo, señor Salustiano, Moitas Gracias!.